Navigation

Besser als nix

Das Video zum Flashmob von Helmut Schmid und Marco Slavulj in der Ludwigstraße

Der Songtext:

 

Besser als nix 

Unser Ludwigstrass is ganz schee leer
Ja da g’hörn halt Attraktionen her
Was IN-City macht ist nur no bled
Weil alles in die Hosn geht 

Leerständ, is des eana Konzept?
Leerständ, dabei ham’s doch a Rezept 

Hier no an Gratlerlad’n
Wenn’s geht, an ganz an fad’n
Besser als nix 

No a bisserl billig shoppen
Da kann uns koana toppen
Besser als nix 

Und neue Abfallkübel
Da wird dir richtig übel
Besser als nix 

Des tuat weh, des tuat weh, wenn i des nur seh 

In der Innenstadt is Friedhofsrua
und im Rathaus drin schauns bloß no zua
oder baun a dappigs Wassergspui
des alles bloß ned spritzn wui 

Leerständ, is des wirkli so schee?
Leerständ, da brauchat’s halt a Idee 

Hier no an Gratlerlad’n
Wenn’s geht, an ganz an fad’n
Besser als nix 

No a bisserl billig shoppen
Da kann uns koana toppen
Besser als nix 

Und neue Abfallkübel
Da wird dir richtig übel
Besser als nix 

Des tuat weh, des tuat weh, wenn i des nur seh 

Wenn’s Hotel da draußn erst mal steht
Werst seng, wia des dann aufwärts geht
Ja dann kemma die Touristenfraun
Und wern ins FOC naus schaun 

Leerständ, des Thema is doch scho alt
Leerständ, weil IN-City gar nix mehr schnallt 

Hier no an Gratlerlad’n
Wenn’s geht, an ganz an fad’n
Besser als nix 

No a bisserl billig shoppen
Da kann uns koana toppen
Besser als nix 

Und neue Abfallkübel
Da wird dir richtig übel
Besser als nix 

Des tuat weh, des tuat weh, wenn i des nur seh